رات میں غسل کا حیرت انگیز فائدہ

انتظار فرمائیں۔۔۔

صبح سویرے نہانے کی عادت نہ صرف آپ کو تازہ دم بناتی ہے بلکہ ذہنی صلاحیت کو بھی بہتر بناتی ہے۔ لیکن اگر آپ پرسکون نیند لینا چاہتے ہیں تو رات میں غسل کرنا بہت فائدہ مند ثابت ہوسکتا ہے۔ ماہرین کہتے ہیں کہ انہیں مختلف تحقیقات کے دوران رات میں غسل کرنے کے بے شمار فوائد کا علم ہوا ہے تاہم اس کے لیے ضروری ہے کہ درست وقت پر غسل کیا جائے۔ اور یہ درست وقت کونسا ہے؟ آئیے ماہرین سے جانتے ہیں۔

مرکز برائے سلیپ میڈیسن میں کام کرنے والی امریکی ڈاکٹر ڈیانے آگیلی کہتی ہیں کہ سونے سے پہلے جسم کو گرم کرنا بالکل غیر ضروری ہے کیوں کہ جسم کا درجہ حرارت شب روزہ تبدیلی پر بہت زیادہ اثر انداز ہوتا ہے اور اسی سے دماغ کو پتہ چلتا ہے کہ جاگتے رہنا ہے یا پھر سونا ہے۔ عام طور پر صبح سویرے جسم کا درجہ حرارت بڑھنا شروع ہوتا ہے اور شام سے اس میں بتدریج کمی کا آغاز ہوتا ہے۔ اس لیے ضروری ہے کہ رات میں جسم کو کم از کم درجہ حرارت پر رکھا جائے جس سے دماغ کو سوجانے کے اشارے ملیں اور ہم پرسکون نیند لے سکیں۔

نیویارک کے ایک معروف اسپتال کے سربراہ شیلبی ہیرس کہتے ہیں کہ شام یا پھر رات میں سونے سے چند گھنٹے پہلے غسل کرنے کی عادت مفید ثابت ہوسکتی ہے۔ کئی تحقیقات سے یہ بات ثابت ہے کہ شام میں نہانے کے بعد دستیاب وقت میں جسم کا درجہ حرارت دوبارہ کم ہوسکتا ہے اور یوں رات میں پرسکون نیند لی جاسکتی ہے۔ وہ کہتے ہیں کہ شام میں 20 منٹ غسل کرنا کافی ہے اور اس سے آپ کو مطلوبہ نتائج حاصل ہوسکتے ہیں۔

ماہرین تجویز کرتے ہیں کہ سونے کے لیے لیٹنے سے ایک یا ڈیڑھ گھنٹے پہلے نہا لینا چاہیے تاکہ جب آپ بستر پر لیٹیں تب تک جسم خشک ہوجائے اور اس کے درجہ حرارت میں کمی ہوجائے۔ یہاں آپ کو یہ بھی بتاتے چلیں کہ سونے سے پہلے جسم کی صفائی نیند میں خلل کے امکانات کو کم کرنے کے علاوہ رنگت صاف کرنے میں بھی بہت معاون ثابت ہوتی ہے۔

loading ads...

Facebook Comments



POST A COMMENT.